ഗാന്ധി: ഒരു കേൾവിപുസ്തകം

14 പ്രഭാഷണങ്ങളും ഒരു ഗാനവും കേൾക്കാം

2023 ആഗസ്റ്റ് 15 നെടുമങ്ങാട് ഗവ.വി.എച്ച്.എസ്.എസ് (ബി.എച്ച്.എസ്, മഞ്ച) സ്കൂൾ റേഡിയോയായ റേഡിയോ മഞ്ചയുടെ ഒന്നാം വാർഷികമാണ്. [റേഡിയോ മഞ്ചയുടെ ആദ്യ പ്രക്ഷേപണം കേൾക്കാൻ ഇവിടെ ക്ലിക്ക് ചെയ്യുക] വാർഷികോപഹാരമായി ഞങ്ങൾ 'ഗാന്ധി: ഒരു കേൾവിപുസ്തകം' എന്ന ഓഡിയോ ബുക്ക് റിലീസ് ചെയ്യുന്നു. ചുവടെ അത് കേൾക്കാം. 1198 കർക്കടകത്തിൽ (2023 ജൂലൈ-ആഗസ്റ്റ്) സ്കൂളിൽ സംഘടിപ്പിച്ച 'ഗാന്ധിപാരായണം' പരിപാടിയുടെ ഭാഗമായി നിരവധിപേർ റേഡിയോ മഞ്ചയിലൂടെ സംസാരിച്ചു. ആ പ്രഭാഷണങ്ങളുടെ സമാഹരണമാണ് ഈ ഓഡിയോ പുസ്തകം. സ്കൂളിലെ വിദ്യാർത്ഥിക്കൂട്ടായ്മയായ ഫ്രൈജി ബോയ്സ്, സ്കൂൾ റേഡിയോയായ റേഡിയോ മഞ്ച, സാമൂഹ്യശാസ്ത്ര ക്ലബ് എന്നിവ ചേർന്നാണ് ഈ പരിപാടി സംഘടിപ്പിച്ചത്. ഗാന്ധി പാരായണം പരിപാടിയിലുള്ള പ്രഭാഷണങ്ങൾക്കൊപ്പം 2022 ഒക്ടോബർ 2നു പ്രക്ഷേപണം ചെയ്ത ശ്രീ.എസ്.ഗോപാലകൃഷ്ണന്റെ 'ഗാന്ധിവായന' എന്ന പ്രഭാഷണവും ഈ ഓഡിയോ ബുക്കിൽ ഉൾപ്പെടുത്തുന്നു. ശബ്ദസഞ്ചാരങ്ങളുടെ ഓർമയ്ക്കായി ഈ വാർഷിക വേളയിൽ സുർശ്രീ കേസർബായ് കേർക്കറുടെ ഗാനം അനുബന്ധമായി ഉൾപ്പെടുത്തിയിരിക്കുന്നു. ഭൂമിയിലെ ശബ്ദങ്ങളുമായി, സൗരയൂഥവും താണ്ടി സഞ്ചരിച്ചുകൊണ്ടിരിക്കുന്ന ഗോൾഡൻ റെക്കോർഡിലെ ഇന്ത്യൻ ശബ്ദമാണത്. ഈ കേൾവിപുസ്തകത്തിന്റെ ഡിസൈനായി സ്വീകരിച്ചിട്ടുള്ളതും ഗോൾഡൻ റെക്കോർഡിനെത്തന്നെയാണ്. നാസയോടും വിക്കി മീഡിയ കോമൺസിനോടും കടപ്പാട് രേഖപ്പെടുത്തുന്നു. [ഗോൾഡൻ റെക്കോർഡിനെക്കുറിച്ചറിയാൻ ഇവിടെ ക്ലിക്ക് ചെയ്യുക]

.