ആ കുട്ടി ഗാന്ധിയെ തൊട്ടു - ശബ്ദപുസ്തകം പ്രകാശനം ചെയ്തു

 മഞ്ച സ്കൂൾ പുറത്തിറക്കിയ അഞ്ചാമത്തെ ശബ്ദപുസ്തകം 'ആ കുട്ടി ഗാന്ധിയെ തൊട്ടു' വിദ്യാഭ്യാാസ വകുപ്പ് മന്ത്രി വി.ശിവൻ കുട്ടി സാമൂഹ്യമാധ്യമത്തിലൂടെ പ്രകാശനം ചെയ്തു. വൈക്കം സത്യഗ്രഹത്തിന്റെ ശതാബ്ദി സ്മരണികയായ ഈ പുസ്തകം പ്രശസ്ത കവി അൻവർ അലിയുടെ ഗാന്ധിത്തൊടൽ മാല എന്ന കവിതയെ ആസ്പദമാക്കിയാണ് തയ്യാറാക്കിയിട്ടുള്ളത്. വൈക്കം സത്യഗ്രഹകാലത്ത് വിദ്യാർത്ഥിയായിരുന്ന വൈക്കം മുഹമ്മദ് ബഷീർ ഗാന്ധിയെ തൊട്ട അനുഭവം ചർച്ച ചെയ്യുന്ന 'ആ കുട്ടി ഗാന്ധിയെ തൊട്ടു 'എന്ന ശബ്ദപുസ്തകം അവതരിപ്പിച്ചത് നമ്മുടെ സ്കൂളിലെ പത്താം ക്ലാസ് വിദ്യാർത്ഥി അഭിനവ് ബി.എസ്.   'ഗാന്ധിത്തൊടൽ മാല' എന്ന കവിത നമ്മുടെ സ്കൂളിലെ പത്താം ക്ലാസ് വിദ്യാർത്ഥിനി ഇവാന വെസ്ലിയും കവി അന്വർ അലിയും ആലപിച്ചിട്ടുള്ളത് ഈ ശബ്ദപുസ്തകത്തിലുണ്ട്. പ്രശസ്ത വ്യക്തികളുടെ പ്രഭാഷണങ്ങളും ഹെഡ്മിസ്ട്രസ് കെ.എസ്.രശ്മിടീച്ചറുടെ മുഖവുരയും പുസ്തകത്തിൽ കേൾക്കാം. കവർ തയ്യാറാക്കിയത് ആനാട് സ്കൂളിലെ വിദ്യാർത്ഥി ഷാരോൺ ജെ സതീഷ്.
പുസ്തകം ഈ ലിങ്കിൽ: https://radiomancha.blogspot.com/p/akgt.html

പ്രകാശനത്തിന്റെ ലിങ്ക്:https://www.facebook.com/comvsivankutty/posts/1048023506703949
പുസ്തകത്തെക്കുറിച്ചുള്ള പത്രവാർത്ത ഈ ലിങ്കിൽ:https://bhsmancha.blogspot.com/2024/09/akgt-news-4.html 

SHARE THIS