poshan programme
പോഷൺ പ്രതിജ്ഞ
Thursday, September 29, 2022
Friday, September 23, 2022
.jpeg "ഹർത്താൽ ദിനത്തിലെ ഉച്ചഭക്ഷണ നേരം")
ഹർത്താൽ ദിനത്തിലെ ഉച്ചഭക്ഷണ നേരം
ഹർത്താൽ ദിനത്തിലെ ഉച്ചഭക്ഷണ നേരം
.jpeg)
പിറ്റിഎ മീറ്റിങ്
ഇന്നലെ നടന്ന പത്താം ക്ലാസ് വിദ്യാർത്ഥികളുടെ പിറ്റിഎ മീറ്റിങിൽ നിന്ന്
Friday, September 16, 2022
കത്തെഴുതി കുട്ടികൾ
സാമൂഹ്യ പരിഷ്കർത്താക്കളായ സഹോദരൻ അയ്യപ്പൻ, ചട്ടമ്പി സ്വാമികൾ, അയ്യങ്കാളി, ശ്രീനാരായണ ഗുരു, ടി.കെ.മാധവൻ, ബ്രഹ്മാനന്ദ ശിവയോഗി, കെ.കേളപ്പൻ, കെ.പി.കേശവമേനോൻ എന്നിവർ ജനിച്ച ചിങ്ങമാസത്തെ നവോത്ഥാന മാസമായാണ് നമ്മുടെ സ്കൂൾ ആചരിച്ചത്. മാസാചരണ സമാപന ദിനത്തിൽ വിദ്യാർത്ഥികൾ ഭരണാധികാരികൾക്ക് കത്തെഴുതി. അടുത്ത വർഷം മുതൽ നെടുമങ്ങാട് നഗരസഭയിലെ എല്ലാ വിദ്യാലയങ്ങളിലും ചിങ്ങം നവോത്ഥാന മാസമായി ആചരിക്കണം എന്ന് ആവശ്യപ്പെട്ട് നഗരസഭാധ്യക്ഷയ്ക്കും വിദ്യാഭ്യാസ സ്റ്റാന്റിങ് കമ്മിറ്റി ചെയർമാനും കുട്ടികൾ കത്തെഴുതി. കേരളത്തിലെ എല്ലാ സ്കൂളുകളിലും നവോത്ഥാന മാസം ആചരിക്കണം എന്ന ആശയം പങ്കിട്ടു കൊണ്ട് വിദ്യാഭ്യാസ മന്ത്രി, നെടുമങ്ങാട് എം.എൽ.എ എന്നിവർക്കും കത്തെഴുതി.
ഇലഞ്ഞി മുതൽ മൂട്ടി വരെ
 |
| പാർവതി ബാവുലും രവിയും ചേർന്ന് ഇലഞ്ഞിമരത്തൈ നടുന്നു |
 |
| വസന്തകുമാരി ടീച്ചർ മൂട്ടി മരത്തൈ നടുന്നു |
മഞ്ച ബോയ്സ് സ്കൂളിൽ നവോത്ഥാന മാസാചരണം സമാപിച്ചു
നെടുമങ്ങാട് മഞ്ച ബോയ്സ് വി.എച്ച്.എസ്.എസിൽ നവോത്ഥാന മാസാചരണത്തിനു സമാപനമായി. ചിങ്ങം 31ന് മുൻ ഡി.ഇ.ഒ, ടി.വസന്തകുമാരി കാട്ടുവൃക്ഷമായ മൂട്ടിമരത്തൈ സ്കൂൾ അങ്കണത്തിൽ നട്ടുകൊണ്ട് ഉദ്ഘാടനം നിർവഹിച്ചു. ഒരു മാസം നീണ്ടുനിന്ന നവോത്ഥാന മാസാചരണം പ്രശസ്ത ബാവുൽ കലാകാരി പാർവതി ബാവുലും പാവക്കഥകളി കലാകാരൻ രവിയും ചേർന്ന് ചിങ്ങം ഒന്നിന് സ്കൂൾ മുറ്റത്ത് ഇലഞ്ഞി മരത്തൈ നട്ടുകൊണ്ടാണ് തുടക്കമിട്ടത്.
കേരളീയ നവോത്ഥാന ശില്പികളായ സഹോദരൻ അയ്യപ്പൻ, ചട്ടമ്പി സ്വാമികൾ, അയ്യങ്കാളി, ശ്രീനാരായണ ഗുരു, ടി.കെ.മാധവൻ, ബ്രഹ്മാനന്ദ ശിവയോഗി, കെ.കേളപ്പൻ, കെ.പി.കേശവമേനോൻ എന്നിവർ ജനിച്ചത് ചിങ്ങമാസത്തിലായതിനാലാണ് ഈ മാസം നവോത്ഥാന മാസമായി സ്കൂളിൽ ആചരിച്ചത്. ചിങ്ങം ഒന്നിന് സ്കൂൾ റേഡിയോയിലൂടെ
മാസാചരണത്തിന്റെ പ്രാധാന്യത്തെക്കുറിച്ച് എം.എൻ.കാരശ്ശേരിയുടെ പ്രഭാഷണം കേൾപ്പിച്ചു. തുടർന്ന് ഓരോ ജയന്തി ദിനത്തിലും സ്കൂൾ വളപ്പിൽ വൃക്ഷത്തൈകൾ നട്ട് ഓർമ പുതുക്കി. സഹോദരൻ അയ്യപ്പന്റെ ജന്മദിനത്തിൽ ഗ്രാന്റ് പേരന്റ് സ്വതന്ത്രൻ കിളിമരത്തൈ നട്ടുകൊണ്ടാണ് ജയന്തി ആചരണങ്ങൾക്ക് തുടക്കം കുറിച്ചത്.
മാസാചരണത്തിന്റെ സമാപനത്തോടനുബന്ധിച്ച് വിദ്യാർത്ഥികൾ ഭരണാധികാരികൾക്ക് കത്തെഴുതി. ചിങ്ങമാസം നവോത്ഥാന മാസമായി മറ്റു സ്കൂളുകളിലും ആചരിക്കണമെന്ന ആശയം പങ്കിട്ടുകൊണ്ടാണ് കത്തെഴുതിയത്. നെടുമങ്ങാട് നഗരസഭയിലെ എല്ലാ സ്കൂളുകളിലും മാസാചരണം സംഘടിപ്പിക്കണമെന്നാവശ്യപ്പെട്ട് മുനിസിപ്പൽ ചെയർപേഴ്സൺ, വിദ്യാഭ്യാസ സ്റ്റാന്റിങ് കമ്മിറ്റി ചെയർമാൻ എന്നിവർക്ക് കത്തെഴുതി. കേരളത്തിലെ എല്ലാ സ്കൂളുകളിലും മാസാചരണം നടത്തണമെന്ന് ആവശ്യപ്പെട്ട് വിദ്യാഭ്യാസ മന്ത്രിക്കും നെടുമങ്ങാട് എം.എൽ.എയ്ക്കും കത്തെഴുതി.
സ്കൂളിലെ ഏറ്റവും മികച്ച വിദ്യാർത്ഥിക്ക് സമ്മാനം നൽകുമെന്ന് സ്കൂളിലെ മുൻ അധ്യാപിക കൂടിയായ ടി.വസന്തകുമാരി സമാപന യോഗത്തിൽ പ്രഖ്യാപിച്ചു. പി.ടി.എ പ്രസിഡന്റ് കെ.എസ്.ഉദയകുമാർ അധ്യക്ഷനായ യോഗത്തിൽ പ്രിൻസിപ്പാൾ എസ്.ജിഷ സ്വാഗതവും ഹെഡ്മിസ്ട്രസ് എ.പ്രേമജ നന്ദിയും പറഞ്ഞു.
നവോത്ഥാന മാസാചരണം സമാപിച്ചു
നമ്മുടെ സ്കൂളിൽ 1198 ചിങ്ങം 1 (2022 ആഗസ്റ്റ് 17) മുതൽ ആചരിച്ചു വന്നിരുന്ന നവോത്ഥാന മാസാചരണം ഇന്ന് (1198 ചിങ്ങം 31- 2022 സെപ്റ്റംബർ 16) സമാപിച്ചു. സമാപന സമ്മേളനം സ്കൂളിലെ മുൻ അധ്യാപികയായിരുന്ന ടി.വസന്തകുമാരി ഉദ്ഘാടനം ചെയ്തു. പി.ടി.എ പ്രസിഡന്റ് കെ.എസ്.ഉദയകുമാർ അധ്യക്ഷനായ യോഗത്തിൽ പ്രിൻസിപ്പാൾ എസ്.ജിഷ സ്വാഗതവും ഹെഡ്മിസ്ട്രസ് എ.പ്രേമജ നന്ദിയും പറഞ്ഞു. സ്കൂൾ അങ്കണത്തിൽ വനവൃക്ഷമായ മൂട്ടി മരത്തിന്റെ തൈ വസന്തകുമാരി ടീച്ചർ നട്ടു.
.jpg)
നവോത്ഥാന മാസം: പ്രഭാഷണം
1198 ചിങ്ങം 1ന് (2022 ആഗസ്റ്റ് 17) നവോത്ഥാന മാസാചരണത്തിന്റെ ഭാഗമായി റേഡിയോ മഞ്ചയിൽ കേൾപ്പിച്ച എം.എൻ.കാരശ്ശേരി മാഷിന്റെ പ്രഭാഷണം വീണ്ടും കേൾക്കാം...
Saturday, September 10, 2022
നവോത്ഥാന മാസം: ശ്രീനാരായണ ഗുരു ജയന്തി ആചരിച്ചു
മഞ്ച ബോയ്സ് സ്കൂളിൽ നവോത്ഥാന മാസാചരണത്തിന്റെ ഭാഗമായി ശ്രീനാരായണ ഗുരു ജയന്തി ആചരിച്ചു. നെടുമങ്ങാട് നഗരസഭയ്ക്കുള്ളിൽ നെൽക്കൃഷി ചെയ്യുന്ന ഏക കർഷകനായ കെ.പി.ജയകുമാർ വൃക്ഷത്തൈ നട്ടു. നവോത്ഥാന ആശയങ്ങൾ കുട്ടികളിൽ എത്തിക്കുന്നതിനു വേണ്ടി ചിങ്ങമാസം സ്കൂളിൽ നവോത്ഥാന മാസമായി ആചരിച്ചു വരുന്നു. ചിങ്ങമാസത്തിൽ പിറന്ന സാമൂഹ്യപരിഷ്കർത്താക്കളായ സഹോദരൻ അയ്യപ്പൻ, ചട്ടമ്പി സ്വാമികൾ, അയ്യങ്കാളി, ടി.കെ.മാധവൻ, ബ്രഹ്മാനന്ദ ശിവയോഗി, കെ.കേളപ്പൻ, കെ.പി.കേശവമേനോൻ എന്നിവരുടെ ജന്മദിനങ്ങളും സ്കൂളിൽ ആചരിച്ചിരുന്നു.
എഴുത്തുകാരൻ പി.കെ.സുധി, മീനാങ്കൽ ട്രൈബൽ സ്കൂൾ ഹെഡ്മിസ്ട്രസ് വി.എസ്.ഷീജ എന്നിവർ അതിഥികളായെത്തി. പി.ടി.എ പ്രസിഡന്റ് കെ.എസ്.ഉദയകുമാർ നന്ദി പറഞ്ഞു.
Friday, September 2, 2022
ടി.കെ.മാധവന്റെയും കെ.പി.കേശവമേനോന്റെയും ജന്മദിനം ആചരിച്ചു
മഞ്ച ബോയ്സ് സ്കൂളിൽ വൈക്കം സത്യാഗ്രഹത്തിലെ പ്രധാന പ്രവർത്തകരായിരുന്ന കെ.പി.കേശവമേനോന്റെയും ദേശാഭിമാനി ടി.കെ.മാധവന്റെയും ജന്മദിനം ആചരിച്ചു. കേരള യൂണിവേഴ്സിറ്റി ടീച്ചർ എജുക്കേഷൻ കോളേജിലെ അധ്യാപിക എൽ.എസ്.ലളിതാംബികാദേവി കെ.പി. കേശവമേനോന്റെ പേരിൽ തൈ നട്ടു. പി.ടി.എ പ്രസിഡന്റ് കെ.എസ്.ഉദയകുമാറും മുൻ അധ്യാപകൻ സാബുകുമാറും ചേർന്ന് ടി.കെ.മാധവന്റെ പേരിൽ തൈ നട്ടു.
 |
കേരള യൂണിവേഴ്സിറ്റി ടീച്ചർ എജുക്കേഷൻ കോളേജിലെ അധ്യാപിക എൽ.എസ്.ലളിതാംബികാദേവി കെ.പി. കേശവമേനോന്റെ പേരിൽ തൈ നടുന്നു |
 |
പി.ടി.എ പ്രസിഡന്റ് കെ.എസ്.ഉദയകുമാറും മുൻ അധ്യാപകൻ സാബുകുമാറും ചേർന്ന് ടി.കെ.മാധവന്റെ പേരിൽ തൈ നടുന്നു |
ചിങ്ങമാസത്തെ നവോത്ഥാന മാസമായി ആചരിക്കുന്നതിന്റെ ഭാഗമായി ചിങ്ങമാസത്തിൽ ജനിച്ച സാമൂഹ്യ പരിഷ്കർത്താക്കളെ ആദരിച്ചുകൊണ്ട് മഞ്ച സ്കൂൾ നടത്തിവരുന്ന മാസാചരണ പരിപാടിയിൽ സഹോദരൻ അയ്യപ്പൻ, ചട്ടമ്പി സ്വാമികൾ, അയ്യങ്കാളി, ബ്രഹ്മാനന്ദ ശിവയോഗി,കെ.കേളപ്പൻ എന്നിവരുടെ പേരിലും വൃക്ഷത്തൈകൾ നട്ടു.
Monday, August 29, 2022
അയ്യങ്കാളി ജയന്തി ആചരിച്ചു
മഞ്ച ബോയ്സ് സ്കൂളിൽ നവോത്ഥാന മാസാചരണത്തിന്റെ ഭാഗമായി അയ്യങ്കാളി ജയന്തി ആചരിച്ചു. സ്കൂളിൽ നിന്നുള്ള റേഡിയോ മഞ്ചയിൽ മാസാചരണത്തിന്റെ പ്രാധാന്യത്തെക്കുറിച്ച് പ്രക്ഷേപണം നടത്തി. അയ്യങ്കാളിയുടെ പേരിൽ രേഷ്മാരാജ് തൈ നട്ടു. വിദ്യാർത്ഥികളും തൈകൾ നട്ടു. സാമൂഹ്യപരിഷ്കർത്താക്കളിൽ ഒട്ടനവധിപേർ ജനിച്ച ചിങ്ങമാസം ഇക്കൊല്ലം മുതൽ നവോത്ഥാനമാസമായിട്ട് മഞ്ച സ്കൂളിൽ ആചരിച്ചുവരുന്നു. ഇതിന്റെ ഭാഗമായി സഹോദരൻ അയ്യപ്പൻ,ചട്ടമ്പി സ്വാമി,കെ.കേളപ്പൻ, ബ്രഹ്മാനന്ദ ശിവയോഗി എന്നിവരുടെ ജന്മദിനങ്ങളും സ്കൂളിൽ ആചരിച്ചിരുന്നു.
Friday, August 26, 2022
ചട്ടമ്പിസ്വാമി ജയന്തി
നെടുമങ്ങാട് മഞ്ച ബോയ്സ് സ്കൂളിൽ ചട്ടമ്പിസ്വാമി ജയന്തി ജീവകാരുണ്യ ദിനമായി ആചരിച്ചു. ചിങ്ങമാസം നവോത്ഥാനമാസമായി ആചരിക്കുന്നതിന്റെ ഭാഗമായി ചിങ്ങമാസത്തിൽ പിറന്ന സാമൂഹ്യപരിഷ്കർത്താക്കളുടെ ജന്മദിനം കൊണ്ടാടുകയാണ് സ്കൂൾ. മുൻ പ്രഥമാധ്യാപിക ലക്ഷി ടീച്ചർ സ്കൂൾ വളപ്പിൽ പേരാൽ തൈ നട്ടുകൊണ്ട് ചട്ടമ്പി സ്വാമിജയന്തി ആചരണം ഉദ്ഘാടനം ചെയ്തു. ചട്ടമ്പി സ്വാമി എഴുതിയ കത്തുകൾ ക്ലാസുകളിൽ വായിച്ചു. ചെറു ജീവികൾക്കു പോലും അദ്ദേഹം നൽകുന്ന പ്രാധാന്യത്തെക്കുറിച്ച് പ്രഥമാധ്യാപിക എ.പ്രേമജ, പി.കെ.പുഷ്പകുമാരി എന്നിവർ സംസാരിച്ചു.
കെ.കേളപ്പൻ, ബ്രഹ്മാനന്ദ ശിവയോഗി എന്നിവരുടെ ജന്മദിനവും ആചരിച്ചു. വിദ്യാലയാങ്കണത്തിൽ കുട്ടികൾ ചേർന്ന് വൃക്ഷത്തൈകൾ നട്ടുകൊണ്ട് ദിനാചരണം നടത്തി.
Tuesday, August 23, 2022
സഹോദരൻ അയ്യപ്പന്റെ ജന്മദിനം ആചരിച്ചു
നെടുമങ്ങാട് മഞ്ച ബോയ്സ് സ്കൂളിൽ സഹോദരൻ അയ്യപ്പൻ ജയന്തി ആചരിച്ചു. എട്ടാം ക്ലാസ് വിദ്യാർത്ഥി അഭിനവിന്റെ മുത്തച്ഛൻ എൻ. സ്വതന്ത്രൻ വിദ്യാലയാങ്കണത്തിൽ കിളിമരം നട്ടുകൊണ്ട് ദിനാചരണം ഉദ്ഘാടനം ചെയ്തു. രാജ്യം സ്വാതന്ത്ര്യം നേടിയ 1947 ആഗസ്റ്റ് 15നു ജനിച്ച വ്യക്തിയാണ് ശ്രീ. സ്വതന്ത്രൻ.
ചിങ്ങമാസം നവോത്ഥാനമാസമായി ആചരിക്കുന്നതിന്റെ ഭാഗമായി ചിങ്ങത്തിൽ ജനിച്ച സാമൂഹ്യ പരിഷ്കർത്താക്കളുടെ ജന്മദിനം സ്കൂളിൽ ആചരിച്ചു വരുന്നു. ഇതിന്റെ ഭാഗമായാണ് സഹോദരൻ അയ്യപ്പന്റെ ജന്മദിനാചരണവും സംഘടിപ്പിച്ചത്. സഹോദരൻ അയ്യപ്പന്റെ സാമൂഹ്യ പ്രസക്തിയെക്കുറിച്ച് അധ്യാപികമാരായ പി.കെ. പുഷ്പകുമാരി, വി.കെ. റോ
സ്മേരി എന്നിവർ സംസാരിച്ചു.
