വാമൻ സാർ എന്ന ഇംഗ്ലീഷ് അധ്യാപകനും സയൻസ് ക്ലബ്ബും

 

 

വിദ്യാലയങ്ങളിലെ ക്ലബ് പ്രവർത്തനങ്ങളുടെ പ്രാധാന്യത്തെക്കുറിച്ച് ISROയുടെ GSLV പ്രോജക്ട് ഡയറക്ടറും മഞ്ച സ്കൂളിലെ (VHSS ഫോർ ബോയ്സ് നെടുമങ്ങാട്) പൂർവവിദ്യാർത്ഥിയുമായ എൻ.പി.ഗിരി പറയുന്നത് കേൾക്കൂ. വാമൻ സാർ എന്ന അധ്യാപകനും സ്കൂളിലെ സയൻസ് ക്ലബ്ബും വിദ്യാർത്ഥികളിൽ ചെലുത്തിയ സ്വാധീനം അദ്ദേഹം ഓർത്തെടുക്കുന്നു.

Continue Reading

റേഡിയോ മഞ്ച

 2022 ആഗസ്റ്റിൽ
പ്രക്ഷേപണം ആരംഭിക്കുന്നു

 

 

 

സ്കൂളിന്റെ ശബ്ദം
നാടിന്റെ ശബ്ദം

സ്കൂളിന്റെ ശബ്ദം
നാളെയുടെ ശബ്ദം

Continue Reading

ആൺസ്കൂളും പെൺസ്കൂളും (ഫ്രൈ-ജി ചർച്ച )

സ്കൂളിൽ ഓരോ ആഴ്ചയും നടത്തിവരാറുള്ള ചർച്ചാവേദിയുടെ ഭാഗമായി 29/07/2022 വെള്ളിയാഴ്ച 'ആൺസ്കൂളും പെൺസ്കൂളും' എന്ന വിഷയത്തെ അടിസ്ഥാനമാക്കി ചർച്ച സംഘടിപ്പിച്ചു. 10 A ക്ലാസിലെ ഫിറോസ് സ്വാഗതം പറഞ്ഞു. സുധി കൃഷ്ണ (9 A), സിദാൻ മുഹമ്മദ് (9 B), മുഹമ്മദ് അഫ്സൽ (9 A) അഭിനവ് (8 B) എന്നിവർ വിഷയാവതരണം നടത്തി. മറ്റ് വിദ്യാർത്ഥികൾ ചർച്ചയിൽ പങ്കെടുത്തു. 9 Aയിലെ അഭിജിത്ത് നന്ദി പറഞ്ഞു. കേരള യൂണിവേഴ്സിറ്റി കോളേജ് ഓഫ് ടീച്ചർ എഡ്യുക്കേഷൻ  ബി.എഡ് ട്രെയിനി അധ്യാപകർ ചർച്ചയ്ക്ക് നേതൃത്വം നൽകി.

 

 

 

Continue Reading

വായനമൂല

 26/07/2022 ചൊവ്വാഴ്ച നമ്മുടെ സ്കൂളിൽ വായനമൂല ഉദ്ഘാടനം ചെയ്തു.
കേരള യൂണിവേഴ്സിറ്റി കോളെജ് ഓഫ് ടീച്ചർ എജുക്കേഷനിലെ അധ്യാപിക
ശ്രീമതി ബിന്ദു എസ് നായർ ടീച്ചർ 'മിന്നാമിനുങ്ങ്' എന്ന കവിത വായിച്ചു കൊണ്ട്
ഇതിന്റെ ഉദ്ഘാടനം നിർവഹിച്ചു. ട്രെയിനിങ് അധ്യാപകനായ വിഷ്ണുസാർ അധ്യക്ഷനായി.
ഒമ്പതാം ക്ലാസ് വിദ്യാർത്ഥിയായ മഹിത് പി.എസ് സ്വാഗതവും എട്ടാം ക്ലാസ് വിദ്യാർത്ഥിയായ
മുഹമ്മദ് അന്വർ എസ് നന്ദിയും പറഞ്ഞു.

പ്രബിൻ.പി
8 എ

 

Continue Reading

കൊറോണക്കാലവും വിദ്യാർത്ഥികളും (ചർച്ച 3)

ഫ്രൈഡേ ഗ്രൂപ് ബോയ്സ് (ഫ്രൈജി ബോയ്സ്) നടത്തിവരുന്ന പ്രതിവാര ചർച്ചാപരിപാടിയിൽ ഇന്ന് (22/07/22) 'കൊറോണക്കാലവും വായനയും' എന്ന വിഷയം ചർച്ച ചെയ്തു. കൊറോണക്കാലവും കുട്ടികളും എന്ന ചർച്ചാപരമ്പരയുടെ മൂന്നാം ലക്കമായിരുന്നു ഇത്. നമ്മുടെ സ്കൂളിലെ ട്രെയിനിങ് അധ്യാപകരാണ് ഈ ലക്കത്തിന്റെ സംഘാടകരായത്. ഒൻപതാം ക്ലാസ് വിദ്യാർത്ഥികളായ മഹിത് പി.എസ്, മിഥുൻ പി.ആർ എന്നിവർ വിഷയാവതരണം നടത്തി. കുട്ടികൾക്കൊപ്പം അധ്യാപകരും ട്രെയിനിങ് അധ്യാപകരും ചർച്ചയിൽ പങ്കെടുത്തു.

ഈ ചർച്ചാ പരമ്പരയുടെ ഒന്നാം ലക്കം >> ഇവിടെ
രണ്ടാം ലക്കം>> ഇവിടെ

 

Continue Reading

വൃക്ഷത്തൈയുമായി അഹമ്മദ് ബിൻ മഹബൂബ്

    വിദ്യാർത്ഥികൾ വൃക്ഷത്തൈകൾ നട്ടുപിടിപ്പിക്കുന്നതിന്റെ ഭാഗമായി ഇന്ന് പത്ത് ബി ക്ലാസിലെ അഹമ്മദ് ബിൻ മഹബൂബ് വീട്ടിൽ നിന്ന് കൊണ്ടു വന്ന ചാമ്പ മരത്തൈകൾ സ്കൂൾ വളപ്പിൽ നട്ടു.

    ഇതു കൂടാതെ ഇലക്കറി, മലക്കറി പദ്ധതിയുടെ ഭാഗമായി കോവൽ, മുരിങ്ങ എന്നിവയും വിദ്യാർത്ഥികൾ നട്ടുപിടിപ്പിച്ചു.

10 ബി ക്ലാസിലെ അഹമ്മദ്, ആര്യൻ എന്നിവർ ചേർന്ന് ചാമ്പമരത്തൈ നടുന്നു.

10 ബി ക്ലാസിലെ അഹമ്മദ് തൈ നടുന്നു

 

Continue Reading

ചാന്ദ്രദിനം 2022

സൂര്യദർശിനി നിർമ്മാണം

 

ചാന്ദ്രഗാനം

എക്സിബിഷൻ

ഗ്രഹണക്കാഴ്ച

ചാന്ദ്രകലണ്ടർ പ്രകാശനം

കടങ്കഥ അവതരണം

അന്യഗ്രഹ ജീവിക്കൊരു കത്ത്

ചാന്ദ്രദിന പതിപ്പ് പ്രകാശനം

റോൾപ്ലേ

ചാന്ദ്രദിന ക്വിസ് മത്സര വിജയികൾക്കൊപ്പം

വീഡീയോ പ്രദർശനം

 

Continue Reading

അന്യഗ്രഹജീവിക്കൊരു കത്ത്

അന്യഗ്രഹ ജീവിക്ക് ഒരു കത്ത്
മഹിത് പി.എസ്. (IX A)

പ്രിയപ്പെട്ട ആദം,
നീ എന്നാണ് തിരിച്ചു വരിക? മഎത്ര നാളായി ഇവിടെ നിന്ന് പോയിട്ട്? നിന്റെ പ്ലാനറ്റ് ട്രാപിസ്റ്റ്-1eയിൽ എന്തുണ്ട് വിശേഷം? നിനക്ക് അറിയാമോ ഞങ്ങളുടെ നാസ നിന്റെ ഗ്രഹം നിരീക്ഷിക്കാൻ പോവുകയാണ്. നീ പറഞ്ഞതു പോലെ ഞാൻ കുറച്ച് കൂടുതൽ ഫിസിക്സ് നോക്കി.നിന്റെ പ്ലാനറ്റിന്റെ ടെക്നോളജിയുമായി കൂടെ എത്താൻ ഞാൻ ശ്രമിക്കുകയാണ്. ഇവിടെ ഭൂമിയിൽ എന്റെ സംശയങ്ങൾക്ക് മറുപടി നൽകാൻ കുറച്ച് അധ്യാപകരെയും കൂട്ടുകാരെയും കിട്ടി. നീ നിന്റെ earthനെക്കുറിച്ച് റിസർച്ച് ചെയ്തോ? അതിന്റെ   റിസൾട്ട് വന്നോ? നീ ഇവിടെ നിന്നും പരീക്ഷണങ്ങൾക്ക് കൊണ്ടുപോയ സസ്യങ്ങളും ഫോണും എന്തു ചെയ്തു?

 

ആദം, എന്റെ നാട്ടിൽ ഇപ്പോൾ ധാരാളം പ്രശ്നങ്ങൾ നടന്നുകൊണ്ടിരിക്കുകയാണ്. പ്രകൃതിക്ഷോഭവും രാഷ്ട്രീയ പ്രശ്നങ്ങളും പല തരത്തിലുള്ള രോഗങ്ങളും കൊണ്ട് എന്റെ നാട് ഒരു വിഷമഘട്ടത്തിലാണ്.  എന്നാൽ മുമ്പ് നടന്നുകൊണ്ടിരുന്ന പല പ്രശ്നങ്ങൾക്കും പരിഹാരവും കണ്ടെത്തിയിട്ടുണ്ട്. അതിൽ ഞാൻ ഏറെ സന്തുഷ്ടനാണ്. ആദം, നിന്റെ നാട്ടിലെ പ്രശ്നങ്ങളെക്കുറിച്ച് നീ മുൻപ് പറഞ്ഞിരുന്നല്ലോ. അതൊക്കെ എന്തായി? അവിടെ കോവിഡ് പോലുള്ള പകർച്ചവ്യാധികൾ വന്നിരുന്നോ? അഥവാ വന്നിട്ടുണ്ടെങ്കിൽ നിങ്ങളുടെ ശരീരത്തിൽ എങ്ങനെ ബാധിച്ചു? നിന്റെ പ്ലാനറ്റിൽ ജീവൻ നിലനിർത്താനുള്ള കഴിവുണ്ടെന്നും ഭൂമിയെപ്പോലെ മനോഹരമാണെന്നും കൂടി ഞാൻ അറിഞ്ഞപ്പോൾ അവിടേക്കു വരാനുള്ള എന്റെ ആഗ്രഹം കൂടി. എന്നെങ്കിലും എനിക്ക് അവിടെ വറൻ കഴിയുമെന്ന് ഞാൻ കരുതുന്നു.

 

    ആദം, നിന്റെ അവിടത്തെ കൂട്ടുകാർക്ക് സുഖമാണോ? അന്നു നീ പരിചയപ്പെടുത്തിയ നിന്റെ കൂട്ടുകാർ എന്തു ചെയ്യുന്നു? എനിക്കു നീ എഴുതിയ അവസാനത്തെ കത്തിൽ നിന്റെ സുഹൃത്തുക്കൾക്ക് ബുക്ക് എന്താണെന്നു കാണണം എന്നു പറഞ്ഞല്ലോ. അതുകൊണ്ട് ഞാൻ ഈ കത്തിനൊപ്പം ഒരു ബുക്ക് അയയ്ക്കുന്നു. എന്റെ ഇഷ്ടപ്പെട്ട ബുക്കായ 'Folk of the air and water'. ഈ ബുക്കിനെക്കുറിച്ച് എന്തെങ്കിലും അറിയണമെങ്കിൽ എന്നെ അറിയിക്കണം. സുഹൃത്തുക്കളോട് എന്റെ അന്വേഷണം അറിയിക്കണം. നിനക്ക് കത്തുകളും സാധനങ്ങളും അയയ്ക്കുന്ന Deviceൽ നിന്ന് ഒരു ശബ്ദം കേട്ടു. എന്തെന്നറിയില്ല. നിന്റെ കുടുംബത്തോട് എന്റെ അന്വേഷണം അറിയിക്കണം. നീ വരുന്നത് കാത്ത് ഞാൻ ഇരിക്കും. നിന്നെ കാണാൻ ഞാൻ ആഗ്രഹിക്കുന്നു.

എന്ന്
മഹിത് പി.എസ്.
(ചാന്ദ്രദിനത്തോടനുബന്ധിച്ചു സ്കൂളിൽ വായിച്ചത്)

Continue Reading

ചാന്ദ്രദിന ക്വിസ് 2022

    ചാന്ദ്രദിനാചരണത്തിന്റെ ഭാഗമായി സ്കൂളിൽ ക്വിസ് മത്സരം നടത്തി. മത്സത്തിന് ട്രെയിനിങ് അധ്യാപകർ നേതൃത്വം നൽകി. 

    ഒന്നാം സമ്മാനം എട്ടാം ക്ലാസ് വിദ്യാർത്ഥി വൈഷ്ണവ് നേടി. ഒമ്പതാം ക്ലാസ് വിദ്യാർത്ഥി മഹിത് രണ്ടാം സമ്മാനവും പത്താം ക്ലാസ് വിദ്യാർത്ഥി ഹരികൃഷ്ണൻ മൂന്നം സമ്മാനവും നേടി.

Continue Reading

.

Continue Reading

എന്റെ കേരളം

എന്റെ കേരളം  പ്രതിവാര പ്രശ്നോത്തരി

മഞ്ച ബോയ്സ് സ്കൂളിൽ 'എന്റെ കേരളം' പ്രതിവാര പ്രശ്നോത്തരിക്കു തുടക്കമായി. 

കേരളത്തിന്റെ ചരിത്രത്തെയും സംസ്കാരത്തെയും കുറിച്ച് വിദ്യാർത്ഥികളിൽ അവബോധം 

വളർത്തിയെടുക്കുകയാണ് ഈ പരിപാടിയിലൂടെ ലക്ഷ്യമിടുന്നത്. 

രണ്ടാം വർഷ ബി.എഡ് വിദ്യാർത്ഥിനി രാജലക്ഷ്മി കെ.എസ് ഉദ്ഘാടനം ചെയ്തു. 

ഇതിന്റെ ഒന്നാം ലക്കത്തിൽ 'തലസ്ഥാനത്തെ പ്രതിമകൾ' എന്ന വിഷയത്തെ 

അടിസ്ഥാനമാക്കിയുള്ള ക്വിസ് മത്സരം സംഘടിപ്പിച്ചു 

 

Continue Reading

എഴുത്തുകാരായ പൂർവവിദ്യാർത്ഥികൾക്കു് ആദരവേകി വായനമാസാചരണത്തിനു സമാപനം

    വായനമാസാചരണത്തിനു സമാപനം കുറിച്ചു കൊണ്ട് എഴുത്തുകാരായ പൂർവവിദ്യാർത്ഥികൾക്കും അധ്യാപകനും ആദരവ്. 

    മഞ്ച ബോയ്സ് ഹൈസ്കൂളിലെ വിദ്യാരംഗം കലാസാഹിത്യ വേദി എഴുത്തുകാരായ പി.എ.ഉത്തമൻ, എ.അയ്യപ്പൻ, പി.കെ.സുധി എന്നീ പൂർവവിദ്യാർത്ഥികൾക്കും അധ്യാപകനായിരുന്ന ആർ.എസ്.ആശാരിക്കും ആദരവേകി.

    പി.എ.ഉത്തമന്റെ കേരള സാഹിത്യ അക്കാദമി പുരസ്കാരം നേടിയ 'ചാവൊലി' നോവലിലെ നാട്ടുഭാഷാപദങ്ങളെക്കുറിച്ച് അവതരിപ്പിച്ചുകൊണ്ട് എട്ടാം ക്ലാസ് വിദ്യാർത്ഥി പി.പ്രബിൻ ഉദ്ഘാടനം ചെയ്തു. എ.അയ്യപ്പന്റെ 'ചിത്തരോഗാശുപത്രിയിലെ ദിവസങ്ങൾ' എന്ന സമാഹാരത്തിലെ കവിത മുഹമ്മദ് ആസിഫും പി.കെ.സുധിയുടെ 'ഞാറു നട്ട കഥ', 'ചങ്ങായി വീടുകൾ' എന്നീ പുസ്തകങ്ങൾ അഖിൽ, സിദാൻ മുഹമ്മദ് എന്നീ വിദ്യാർത്ഥികളും വായിച്ചവതരിപ്പിച്ചു. റിട്ട. അധ്യാപനും എഴുത്തുകാരനുമായ ആർ.എസ്.ആശാരിയുടെ 'സി.വിയുടെ ആഖ്യായികാപ്രപഞ്ചം' എന്ന കൃതിയിലെ അധ്യായം ബി.എസ്. അഭിനന്ദ് വായിച്ചു. 

    പ്രഥമാധ്യാപിക എ.പ്രേമജ കുട്ടികളുമായി സംസാരിച്ചു.

പി.എ.ഉത്തമന്റെ ചാവൊലി നോവൽ പ്രബിൻ അവതരിപ്പിക്കുന്നു

പി.കെ.സുധിയുടെ ഞാറു നട്ട കഥ അഖിൽ അവതരിപ്പിക്കുന്നു

ആർ.എസ്.ആശാരിയുടെ 'സി.വിയുടെ ആഖ്യായികാപ്രപഞ്ചം' എന്ന കൃതി അഭിനന്ദ് അവതരിപ്പിക്കുന്നു

എ.അയ്യപ്പന്റെ 'ചിത്തരോഗാശുപത്രിയിലെ ദിവസങ്ങൾ' മുഹമ്മദ് ആസിഫ് വായിക്കുന്നു

പി.കെ.സുധിയുടെ 'ചങ്ങായി വീടുകൾ' സിദാൻ മുഹമ്മദ് വായിക്കുന്നു

ഹെഡ്മിസ്ട്രസ് എ.പ്രേമജ കുട്ടികളോട് സംസാരിക്കുന്നു

Continue Reading

മഞ്ച സ്കൂളിൽ 'ഇലക്കറി,മലക്കറി' പദ്ധതിക്ക് തുടക്കമായി

    നെടുമങ്ങാട് മഞ്ച ഗവ.ബോയ്സ് ഹൈസ്കൂളിൽ ഉച്ചഭക്ഷണ പദ്ധതിയുടെ ഭാഗമായി 'ഇലക്കറി മലക്കറി' കാർഷിക പരിപാടിക്ക് തുടക്കമായി. മെക്സിക്കൻ ഇലക്കറിയിനമായ ചയാമൻസ നട്ടുകൊണ്ട് എട്ടാം ക്ലാസ് വിദ്യാർത്ഥി നവനീത് ഉദ്ഘാടനം ചെയ്തു. ഭക്ഷ്യസ്വയംപര്യാപ്തതയും ശരിയായ ആരോഗ്യശീലങ്ങളും കുട്ടികളിൽ വളർത്തിയെടുക്കലാണ് പദ്ധതിയുടെ ലക്ഷ്യം. 

    കുട്ടികളിൽ ആരോഗ്യപ്രശ്നങ്ങൾ കണ്ടെത്തിയതിനെത്തുടർന്ന് മുൻ വർഷങ്ങളിൽ കേരളത്തിലെ വിദ്യാലയങ്ങളിൽ വ്യാപകമായി അയൺ ഗുളികകൾ വിതരണം ചെയ്തിരുന്നു.

    ശരിയായ ഭക്ഷണശീലത്തിലൂടെ ആരോഗ്യമുള്ള വിദ്യാർത്ഥി സമൂഹത്തെ രൂപപ്പെടുത്താൻ ഇത്തരം പദ്ധതികൾ സഹായിക്കുമെന്ന് പ്രഥമാദ്ധ്യാപിക പ്രേമജ പറഞ്ഞു.

Continue Reading

കൊറോണക്കാലവും വിദ്യാർത്ഥികളും 2.0

 

Continue Reading

ഫ്രൈ ജി ബോയ്സ് ചർച്ചാവേദി

മഞ്ച ബോയ്സ് വൊക്കേഷണൽ ഹയർ സെക്കണ്ടറി സ്കൂളിൽ കുട്ടികളുടെ നേതൃത്വത്തിൽ ഫ്രൈ ജി ബോയ്സ് ചർച്ചാവേദി ആരംഭിച്ചു. വെള്ളിയാഴ്ച തോറും നടത്തിവരുന്ന പ്രതിവാര ചർച്ചാവേദിയിൽ കൊറോണക്കാലവും വിദ്യാർത്ഥികളും എന്ന വിഷയത്തിൽ ആദ്യ ചർച്ച നടത്തി. ഫ്രൈഡേ ഗ്രൂപ്പ് ബോയ്സ് സംഘടിപ്പിച്ച ചർച്ചയിൽ എട്ടാം ക്ലാസ് വിദ്യാർത്ഥി അഭിനവ് ബി.എസ്. വിഷയാവതരണം നടത്തി. ഒൻപതാം ക്ലാസ് വിദ്യാർത്ഥി മഹിത് മോഡറേറ്ററായി. കുട്ടികളോടൊപ്പം രേഷ്മ, ജാസ്മിൻ എന്നീ അധ്യാപികമാരും കോവിഡ്കാല അനുഭവങ്ങൾ പങ്കുവച്ചു.

 

Continue Reading